In praise of Cāmuṇḍī

And here is the second part of the manuscript with the praise of Cāmuṇḍī, where all quarter-verses begin with 'ma'.

ma he'i gdong can gshin rje' dga' ma khyod ||
ma rungs dgra la kha gdangs mche ba gtsigs ||
ma lus btud (bdud) kyi srog gcod bshan ba mo ||
ma yengs bstan pa'i bsrung ma'i khyod la bstod ||

ma gcig 'dod pa'i khams la dpang bgyur ma (dbang 'gyur ma) ||
ma mo mkha' 'gro sde brgyad 'khor dang bcas ||
ma mo'i dal yams la sogs chos bphrul ('phrul) gyis ||
ma tul ('dul) gtul (gdul) dka' 'joms ba khyod la bstod ||

ma bcos (3r) rang bzhin dag pa'i chos kyi dbyings ||
ma rtogs bdud kyi chos 'phrul ci byung yang ||
ma chen khyod kyi ming nas bos pa'i tshe ||
ma g.yel myur du byon lam mthu rtsal skyang ||

ma rungs rnams la rab tu khros gyur kyang ||
ma ltar rtse bas bstan 'dzin skyong ba khyod ||
ma sring chung ma bran ma'i tshul bzung nas ||
ma bskul bar yang mthun ba'i las kun bsgrubs ||

ma nor lam mchog ston pa'i bla ma dang ||
ma rig mun sel rgyal pa'i bstan ba la ||
ma dang log bar bgrub pa'i gong dang bgegs ||
ma bsgrub ba rnams chos gyi dbyings su sgrol ||

(3v) ma lus 'gro ba'i don du rnal 'byor ngas ||
manydzu gho ṣa'i go 'phang dam pa de ||
ma thob de srid nag mo chen mo khyod ||
ma g.yel ma g.yel 'phrin las tshul bzhin sgrubs ||

ma mo chen mo bstod cing bskul bas bdag ||
ma rig 'khrul pas bskyed pa'i 'khor pa 'de ('di) ||
ma stongs bar du bstan pa 'dzin pa la ||
ma hā kā lis rtag tu grogs byed shog ||

ma mo chen mo tsa mu ṇti la bstod pa 'de ('di) ni || dge slong Rdo rje 'dzin pa Dge 'dun grub pa dpal bzang pos | dpal byang chub chen po'i dben nas (gnas) theg chen pho brang du spyar (sbyar) ba'o || bkra shis par gyur gchig (cig) | sarba mga laṃ (mangga laṃ) |||